Wizara ya Elimu, Sayansi na Teknolojia ina jukumu la kusimamia na kuratibu utoaji wa elimu nchini kwa kuandaa sera, sheria na miongozo mbalimbali kuanzia ngazi ya elimu ya awali hadi elimu ya juu. Aidha, Wizara ina wajibu wa kusimamia na kuratibu maendeleo ya sayansi, teknolojia na ubunifu pamoja na matumizi yake katika sekta mbalimbali zikiwemo biashara, viwanda, kilimo na maisha ya kila siku kwa ujumla.